సిల్చార్ (అస్సాం): అస్సాంలోని సిల్చార్‌లో ఉన్న గురుచరణ్ యూనివర్సిటీ (Gurucharan University) వివిధ విభాగాల్లో ఖాళీగా ఉన్న అసిస్టెంట్ ప్రొఫెసర్ పోస్టులతో పాటు కంట్రోలర్ ఆఫ్ ఎగ్జామినేషన్స్ పోస్టు భర్తీకి ప్రకటన విడుదల చేసింది. అర్హత కలిగిన అభ్యర్థుల నుంచి ఆన్‌లైన్ ద్వారా దరఖాస్తులను ఆహ్వానిస్తోంది.
విశ్వవిద్యాలయం విడుదల చేసిన ప్రకటన (Adv. No. 02/2026) ప్రకారం మొత్తం 14 పోస్టులు భర్తీ చేయనున్నారు. వీటిలో వివిధ విభాగాల్లో 13 అసిస్టెంట్ ప్రొఫెసర్ పోస్టులు, ఒక కంట్రోలర్ ఆఫ్ ఎగ్జామినేషన్స్ పోస్టు ఉన్నాయి.
అసిస్టెంట్ ప్రొఫెసర్ పోస్టుల వివరాలు
- బెంగాలీ – 1 పోస్టు
- కామర్స్ – 1 పోస్టు
- ఎకనామిక్స్ – 2 పోస్టులు
- ఫిలాసఫీ – 1 పోస్టు
- ఫిజిక్స్ – 4 పోస్టులు
- సంస్కృతం – 1 పోస్టు
- స్టాటిస్టిక్స్ – 2 పోస్టులు
- జువాలజీ – 1 పోస్టు
ఈ పోస్టులకు ఎంపికైన అభ్యర్థులకు పే స్కేల్ లెవల్-10 ప్రకారం నెలకు రూ.57,700 నుంచి రూ.1,82,400 వరకు వేతనం చెల్లించనున్నారు. రిజర్వేషన్ నిబంధనల ప్రకారం ఎస్సీ, ఎస్టీ, ఓబీసీ/ఎంబీసీ, దివ్యాంగ అభ్యర్థులకు కేటగిరీల వారీగా పోస్టులు కేటాయించారు.
కంట్రోలర్ ఆఫ్ ఎగ్జామినేషన్స్ పోస్టు
కంట్రోలర్ ఆఫ్ ఎగ్జామినేషన్స్ పోస్టుకు ఒక ఖాళీని ప్రకటించారు. ఈ పోస్టుకు పే స్కేల్ AL-14 ప్రకారం రూ.1,44,200 నుంచి రూ.2,18,200 వరకు వేతనం ఉంటుంది. 01-10-2026 నాటికి గరిష్ఠ వయోపరిమితి 55 సంవత్సరాలుగా నిర్ణయించారు.
దరఖాస్తు రుసుము, చివరి తేదీలు
అసిస్టెంట్ ప్రొఫెసర్ పోస్టులకు జనరల్ అభ్యర్థులు రూ.1,500, ఎస్సీ/ఎస్టీ అభ్యర్థులు రూ.750 దరఖాస్తు రుసుముగా చెల్లించాలి.
కంట్రోలర్ ఆఫ్ ఎగ్జామినేషన్స్ పోస్టుకు జనరల్ అభ్యర్థులు రూ.2,000, ఎస్సీ/ఎస్టీ అభ్యర్థులు రూ.1,000 చెల్లించాల్సి ఉంటుంది.
ముఖ్యమైన తేదీలు:
- ఆన్‌లైన్ దరఖాస్తులకు చివరి తేదీ: 21 నవంబర్ 2026, సాయంత్రం 5 గంటల వరకు.
- హార్డ్ కాపీ సమర్పణకు చివరి తేదీ: 28 నవంబర్ 2026.
అర్హతలు, ఇతర నిబంధనలు, దరఖాస్తు విధానం తదితర పూర్తి వివరాలను విశ్వవిద్యాలయం విడుదల చేసిన అధికారిక ప్రకటనలో పరిశీలించి అభ్యర్థులు దరఖాస్తు చేసుకోవాలని సూచించారు.
AV9 NEWS
